Acto socialista en Ourense

Onte xoves celebrouse no auditorio de Ourense un acto socialista que contou coa presencia destacada da cabeza de lista pola provincia, a ministra Elena Espinosa, e do Presidente da Xunta, Emilio Pérez Touriño.
A intervención de Elena Espinosa, que como é habitual nela estivo ben organizada e chea de verdades apoiadas por cifras irrebatibles, centrouse en relatar os avances que, principalmente en políticas sociais, se teñen levado a cabo nesta lexislatura, e coas que o Partido Popular estivo sistemáticamente en desacordo: Lei de Dependencia, cheque-bebé, Estatuto do Traballador Autónomo, Lei de Reproducción Asistida, e algo especialmente importante para os veciños dun concello rural como Pereiro de Aguiar: a Lei de Desenvolvemento Rural.
Está claro que aos señores mandamases do Partido Popular non lles gusta que existan estas leis porque atentan directamente contra o seu xeito de facer as cousas: os favores, a caridade de botafumeiro e misa de domingo, o aborto discreto para as nenas-ben en clínicas de Londres, e tantas cousas que pensan que están reservadas para as "familias de toda a vida", pero que non conciben como dereiros da cidadanía.

Presentación das candidaturas ás eleccións

Onte presentáronse as candidaturas do PSdeG-PSOE ao Congreso e o Senado pola provincia de Ourense nun acto celebrado no hotel Auriense,en San Cibrao. Elena Espinosa, a cabeza de lista pola provincia, presentou rotundas e indiscutibles cifras polo miudo, resaltando o traballo que por esta provincia se leva feito dende o goberno de Rodríguez Zapatero, en contraposición coas inversións realizadas durante os gobernos de José María Aznar.

Quedémonos cunhas poucas cifras: as inversións nestes catro anos sitúanse en 910 euros por habitante frente aos 175 do último goberno do PP. O crecemento económico foi dun 3,8% fronte ao 2,9%, a tasa de paro está no 8%, fronte ao 11,2% anterior.

Máis información en La Región e La Voz de Galicia.